දේශීය පුවත්

කටුනායක සේවිකාවකට කොරෝනා

Corona to an employee at the Katunayake Airport

කටුනායක බණ්ඩාරනායක ජාත්‍යන්තර ගුවන් තොටුපළේ පිරිසිදු කිරීමේ අංශයේ සේවයේ නියැලී සිටි සේවිකාවකට කොරෝනා වෛරසය ආසාදනය වී ඇති බව තහවුරු වී ඇතැයි කටුනායක ගුවන් තොටුපළ සෞඛ්‍ය වෛද්‍ය නිලධාරීන් වෛද්‍ය චන්දික බණ්ඩාර වික්‍රමසූරිය මහතා පැවසීය.

හලාවත ප්‍රදේශයේ පදිංචි 50 හැවිරිදි සේවිකාව මීගමුව මහ රෝහල වෙත ඊයේ සවස ඇතුළත් කර පී.සී.ආර්.පරීක්ෂණයකට ලක් කර තිබේ .

එම පරීක්ෂණ ප්‍රතිඵල අනුව ඇයට වෛරසය ආසාදනය වී ඇති බවට තහවුරු වී තිබේ.

මෙම සේවිකාව මීගමුව මහ රෝහලේ සිට වැඩිදුර ප්‍රතිකාර සදහා කොළඹ අයි.ඩී.එච්.රෝහල වෙත මාරු කර යවා තිබේ.

මේ අතර කටුනායක ගුවන් තොටුපළ තුළ ඇය සමීපව ඇසුරු කළ සේවකයින්ගේත් පී.සී.ආර්.පරීක්ෂණ සඳහා සෙම පටල ලබා ගැනීම සිදු කිරීම අරම්භ කර තිබේ.

මෙම සේවිකාවගේ පවුලේ සාමාජිකයන් ද පී.සී.ආර්. පරීක්ෂණ සදහා යොමු කිරීමට නියමිතය.

Translate to English

Leave a Reply

Your email address will not be published.

Back to top button