ක්‍රීඩා පුවත්

ක්‍රීඩක කොන්ත්‍රාත්තු ගැන දිමුත්ගෙන් ප්‍රකාශයක්

ක්‍රීඩක කොන්ත්‍රාත්තු සම්බන්ධයෙන් ශ්‍රී ලංකා ක්‍රිකට් ආයතනය සමග සාකච්ඡා කර අවසන් තීරණයකට එළඹීම සඳහා ක්‍රීඩකයන් පාර්ශ්වයෙන් නියෝජිතයෙකු පත්කර ඇති බව ශ්‍රී ලංකා ටෙස්ට් ක්‍රිකට් නායක දිමුත් කරුණාරත්න පැවසීය.ඔහු සඳහන් කළේ බංග්ලාදේශ කණ්ඩායමට එරෙහිව පැවැත්වීමට නියමිත එක්දින තරගාවලියට පෙර ඒ සම්බන්ධයෙන් විසඳුමක් ලැබෙනු ඇතැයි බලාපොරොත්තු වන බවය.

බංග්ලාදේශයට එරෙහිව අවසන් වු දෙවන ටෙස්ට් තරගයෙන් පසු පැවැති මාධ්‍ය හමුවේදී ඔහු මේ බව සඳහන් කළේය.

“එක්දින තරගාවලියට තාම කණ්ඩායම තෝරලා නෑ. අවස්ථාවක් ලැබුණොත් හොඳින් ක්‍රීඩා කරන්න බලාපොරොත්තු වෙනවා. ක්‍රීඩක කොන්ත්‍රාත් සම්බන්ධයෙන් ශ්‍රී ලංකා ක්‍රිකට් ආයතනයත් සමග අපි වෙනුවෙන් සාකච්ඡා කරන්න කෙනෙක්ව පත්කරලා තියෙනවා. ඔහු ශ්‍රී ලංකා ක්‍රිකට් ආයතනයත් සමග සාකච්ඡා කරලා බංග්ලාදේශ එක්දින තරගාවලියට පෙර කොන්ත්‍රාත් අත්සන් කිරීම ආදී දේවල් විසඳගනී කියලා මම විශ්වාස කරනවා.”

Leave a Reply

Your email address will not be published.

Back to top button