Lakderana News is the Sri Lankan leading hot news, gossip c lanka, gossip lanka news & highly competitive web site.
විදෙස් පුවත්

‘ඩෙල්ටා’ ප්‍රභේදයට වඩා බිහිසුණු ඩෙල්ටා ප්ලස් දැන් ඉන්දියාවේ

‘ඩෙල්ටා’ ප්‍රභේදයට වඩා බිහිසුණු, ඩෙල්ටා ප්ලස් යන නමින් හැදින්වෙන ‘කොවිඩ් 19″ වයිරස විකෘතිය, ඉන්දියාවේ ප්‍රාන්ත රැසකින් හමුවී ඇති බවත්, ඉන්දියාවේ තෙවැනි කොරෝනා රැල්ලට හේතුවක් වනු ඇත්තේ මෙම ඩෙල්ටා ප්ලස් ප්‍රභේදය බවත් එරට සෞඛ්‍ය අංශ බිය පළ කරයි. ඉන්දීය මාධ්‍ය වාර්තා කර ඇති අන්දමට, මහාරාෂ්ට්‍රය,

තමිල්නාඩුව, කේරළය, මධ්‍ය ප්‍රදේශ් ප්‍රාන්තය සහ පන්ජාබයෙන් මේ වනවිට ‘ඩෙල්ටා ප්ලස්” විකෘතිය ආසාදනය වූ පුද්ගලයන් වාර්තාවීමට පටන්ගෙන ඇත. එසේ ‘ඩෙල්ටා ප්ලස්” ආසාදිතයන් වාර්තා වන්නේ, ‘ඩෙල්ටා ආසාදිතයන් ද කිසිදු අඩුවක් නොමැති බව වාර්තා වෙද්දීය.

ඉන්දියාවේ දෙවැනි කොරෝනා රැල්ලට හේතූව “ඩෙල්ටා” විකෘතියයි. ගතවුණු පැය 48 ඇතුළත මහාරාෂ්ට්‍රයෙන් පමණක්, ‘ඩෙල්ටා ප්ලස්’ විකෘතිය ආසානය වූ ආසාදිතයන් විසි දෙදෙනකු හඳුනා ගැනීම සිදුවූ බව මාධ්‍ය වාර්තා වැඩිදුරටත් සඳහන් කර තිබේ. ඊයේ (24) වනවිට ලෝකයේ සමස්ත කොවිඩ් 19 ආසාදිතයන් ගණන කෝටි 18 පසු කළේය. ඊයේ (24) වනවිට ඉන්දියාවේ සමස්ත කොවිඩ් 19 ආසාදිතයන් ගණන කෝටි 3 පසු කර තිබුණි.

‘ඩෙල්ටා” යනු ඉන්දියාවෙන් පළමු වරට සොයාගත් දෙමුහුන් වයිරස විකෘතියයි. මෙය දෙමුහුන් විකෘතියක් යැයි පැවැසෙන්නේ, විකෘති වයිරස දෙකක් එක් වී මෙම වයිරස ප්‍රභේදය නිර්මාණය වීම නිසාය.

‘ඩෙල්ටා ප්ලස්” යනු ‘ඩෙල්ටා’ විකෘතිය තවත් විකෘතිකරණයට ලක් වී නිර්මාණය වූ විකෘති ප්‍රභේදයයි. ‘ඩෙල්ටා” විකෘතිය, ඉන්දියාවෙන් පළමු වරට සොයා ගැනුණත්, ‘ඩෙල්ටා ප්ලස්” විකෘතිය පළමු වරට සොයා ගැනුණේ ඉන්දියාවෙන් නොව යුරෝපා රටවල කොරෝනා ආසාදිතයන් අතරින් යැයි ලෝක සෞඛ්‍ය සංවිධානය නිකුත් කළ නිවේදනයක දැක්වෙයි.

එසේ වූයේ ඩෙල්ටා ප්‍රභේදය යුරෝපයට ව්‍යාප්තවීමෙන් පසුවය. ‘ඩෙල්ටා ප්ලස්” විකෘති ප්‍රභේදය ගැන පළමුවෙන් දැනගන්න ලැබී ඇත්තේ පසුගිය මාර්තු මාසයේය. කෙසේ නමුත් පුළුල් අධ්‍යයනයකින් පසු යුරෝපා විද්‍යාඥයන් ඒ ගැන ලොවට අනාවරණය කළේ පසුගිය ජූනි 13 වැනිදාය. ‘ඩෙල්ටා’ විකෘතිය (B.1.617.2) යන නමින් හැඳින්වෙන අතර ‘ඩෙල්ටා ප්ලස්” හැඳින්වෙන්නේ (K417N) යන නමින්ය. ‘ඩෙල්ටා විකෘති ප්‍රභේදයට වඩා ‘ඩෙල්ටා ප්ලස්” බිහිසුණු ලෙස ව්‍යාප්ත වන බව යුරෝපා විද්‍යාඥයන්ගේත් ඉන්දීය විද්‍යාඥයන්ගේත් අදහස වී තිබේ.

‘ඩෙල්ටා’ විකෘතිය අද ලොවට තර්ජනයක් වී ඇති ප්‍රධානතම කොරෝනා වයිරස විකෘතිය යැයි ලෝක සෞඛ්‍ය සංවිධානය අනතුරු අඟවා ඇත. එය මේ වනවිටත් යුරෝපා රටවලට පමණක් නොව, ආසියානු රටවලටත් ඇමෙරිකාවටත් පැතිර ගොස් අවසන්ය. තව සති 6 ක් හෝ 8 ක් යෑමට පෙර ඉන්දියාව තෙවැනි කොරෝනා රැල්ලට මුහුණ දෙනු ඇති බවත්, එම තෙවැනි රැල්ලට හේතුව ‘ඩෙල්ටා’ නොව ‘ඩෙල්ටා ප්ලස්’ ප්‍රභේදය බවත් ඉන්දීයසෞඛ්‍ය අංශ වැඩි දුරටත් අනාවැකි පළ කර තිබේ. දකුණු අප්‍රිකාවෙන් හමුවුණු වයිරස විකෘතිය නම් කර ඇත්තේ ‘බේටා” යනුවෙනි. මෙම ‘බේටා’ වයිරසයේ ඇති ලක්ෂණ ද ‘ඩෙල්ටා ප්ලස්” විකෘතියේ ඇතැයි පැවැසෙයි.

admin

Recent Posts

අම්මලා හදහන් බලන්න ගියාම එකක්වත් ගැලපිලා නෑ, නැන්දම්මා කිව්වා සම්බන්දෙ නවත්තන්න කියලා – මහින්ද පතිරගේ

වේදිකාව, සිනමාව හා පුංචි තිරය ආක්‍රමණය කරමින් ප්‍රේක්ෂකයා සිනා සාගරයේ ගිල්වන දක්ෂ රංගන ශිල්පියෙක් තමයි…

21 mins ago

මට රඟපෑමටත්, චිත්‍රපට නිශ්පාදනයටත් තිබුන කාලය දේශපාලනය නිසා නැති වුණා-ප්‍රවීණ නළු ජීවන් කුමාරතුංග

අසූව අනූව දශකය සිටම අපේ රටේ කාගේත් ආදරය වගේම ආකර්ෂණය දිනා ගත්ත දක්ෂ ජනප්‍රිය මෙන්ම…

2 hours ago

මම හුස්ම ගන්නෙත් සමාජයට හොඳක් කරන්න හිතාගෙන, ඉතින් ගොඩක් අය මාව ආදර්ශයට ගන්නවා-යුරේනි

අපේ කළා ක්ෂේත්‍රය තුල දැකගන්න ලැබෙන අපේ රටේ කොයි කවුරුත් දන්න කියන දක්ෂ ජනප්‍රිය රංගන…

18 hours ago

මගේ ජීවිතේ මම ගත්ත හරිම තීරණය විවාහය, මට ඇයව හමුවුණෙත් රංගනයේදී-බිමල් ජයකොඩි

අපේ කළා ක්ෂේත්‍රය තුල ඉන්න අපේ රටේ කොයි කවුරුත් ආදරය කරන දක්ෂ ජනප්‍රිය මෙන්ම ප්‍රවීණ…

21 hours ago

මොනවහරි දෙයක් නිසා මගේ පළවෙනි විවාහය අසාර්ථක වුනා. ඒත් මට රජෙක් වගේ පුතෙක් ඉන්නවා – පියුමි හංසමාලී

ශ්‍රී ලාංකීය නිරූපන ක්ශේෂ්ත්‍රයේ ඉන්න හරි සුරූපිනියක් තමයි පියුමි හංසමාලී කියන්නේ. ඉතින් ඇය ගැනනම් අමුතුවෙන්…

21 hours ago

මගේ කොන්ඩෙට ගොඩක් දෙනෙක් ආසයි, කොන්ඩෙ මට වාසනාව ගෙනත් දුන්නා – සුරූපි නිළි සදනි ප්‍රනාන්දු

අවුරුදු කුමාරි තරගාවලියකින් ජයග්‍රහණය කරලා කලා ක්ෂේත්‍රයට එකතු වුණු සුරූපී කලා ශිල්පිනියක් තමයි සදනි ප්‍රනාන්දු…

22 hours ago