සයිබීරියාවේ අද්භූත කුහරය හෙලිකොප්ටරයක් යොදානිමින් ඡායාරූපයට නැගූ පර්යේෂකයන් පිරිසක් පවසන්නේ එය විස්තර කළ නොහැකි තරම් අද්භූත ස්ථානයක් බවයි. විද්‍යාඥයන්ට මෙය අධ්‍යයනය කිරීම මහත් දුෂ්කර කාර්යයක් වී තිබේ. මේ නිසාම එම කුහරය හඳුන්වන්නේ ලෝකයේ කෙලවර ලෙසිනි.
මෙය උල්කාපාතයක් වැටීමෙන් ඇතිවූ විශාල කුහරයක් බව ඇතැම් පර්යේෂකයෝ කියති. තවත් පිරිසක් පවසන්නේ පිපිරීමකින් ඇතිවූ ස්ථානයක් බවයි. තවත් පර්යේෂකයන් පිරිසක් පවසන්නේ පොළොව යට තිබූ අයිස් තොගයක් දියවී යාමෙන් මේ කුහරය සෑදී ඇති බවයි. අතීතයේ මේ ස්ථානයේ තිබූ විලක් රොන් මඩ හා පස් තැන්පත් වීමෙන් එහි ජල කොටස රොන් මඩට මැදි වී අයිස් බවට පත්වන්නට ඇති බවත් පසුව මේ අයිස් දියවී දැවැන්ත කුහරයක් සෑදෙන්නට ඇති බවත් තවත් විද්‍යාඥයන් පිරිසකගේ මතයයි.
කෙසේ වෙතත් ජලයෙන් පිරී ඇති මේ කුහරයට වැටෙන සියල්ල විනාශ වී යයි. කුහරයේ ගැඹුර මෙතෙක් සොයාගෙන නැත. මේ ස්ථානයේ වායු වර්ග බහුලව ඇති බවත් එතැනින් මීතේන් පිටවන බවත් විද්‍යාඥයෝ කියති.
