දේශීය පුවත්

කුඩා දරුවන් අතර පැතිරෙන රෝගයක්

කුඩා දරුවන් අතර ව්‍යාප්ත වන රෝගයක් මේ දිනවල දැකගත හැකි බව ළමා රෝග විශේෂඥ වෛද්‍ය දිපාල් පෙරේරා මහතා පවසයි.

“හෑන්ඩ් පුට් මවුත් ඩිසීස්“ නමැති එම රෝගය සෑම කාලයකම පාහේ දැකගත හැකි රෝගී තත්ත්වයක් වන අතර මාස හයත් වයස අවුරුදු 05ත් අතර දරුවන්ට වැළඳිය හැකි බව විශේෂඥ වෛද්‍ය දිපාල් පෙරේරා මහතා වැඩිදුරටත් කියාසිටියේය.

උණ, ඇඟපත වේදනාව, අත්වල, පාදවල සහ කටේ රතු ළප ඇති වීම මෙහි මුලික රෝග ලක්ෂණ වන අතර එම රෝගය දරුවෙකුගෙන් තවත් දරුවෙකුට බෝවිය හැකි බවත් වෛද්‍යවරයා සඳහන් කළේය.

“කෝවිඩ් ඇතුළුව රෝග කිහිපයක් දරුවන් අතර අපි දකිනවා. විශේෂයෙන් ම ඩෙංගු රෝගය ඉතා විශාල වශයෙන් පවතිනවා. ඩෙංගු හා සමාන ලක්ෂණ තියෙන වෛරස් උණක් අපි දකිනවා. ඊට අමතරව පසුගිය අවුරුදු 20 – 30 දීම දැකපු හෑන්ඩ් පුට් මවුත් ඩිසීස් නැමති රෝගය ආපහු සැරයක් අපි ළමයි අතර දකිනවා.“

Leave a Reply

Your email address will not be published.

Back to top button