දේශීය පුවත්

ලංකාදීප පවුලට කොරෝනා ඇතුළු වේ – පාඨකයන්ගේ අතට පත්වන පත්තරේ ආරක්ෂිත තත්ත්වය පිළිබඳ නිවේදනය මෙන්න

මෙරට ප්‍රධානතම පුවත්පත් සමාගමක් වන විජය පුවත්පත් සමගම නිවේදනයක් නිකුත් කරමින් තම ද සන්ඩේ ටයිම්ස්’ පුවත්පතේ පාර්ලිමේන්තු වාර්තාකරුට කොරෝනා අසාදනය වී ඇති බව සඳහන් කර තිබෙනවා.

ලංකාදීප ඇතුළු ප්‍රධාන පුවත්පත් ගණනාවක් මුද්‍රණය කරන්නේ එම ආයතනයයි.

අපගේ මුද්‍රාණාලය සහ බෙදාහැරීමේ මධ්‍යස්ථානය පිහිටා ඇත්තේ හෝකන්දර වන අතර, එම කාර්යාලය කොළඹ කර්තෘමණ්ඩල හා සම්බන්ධ වන්නේ අන්තර්ජාල තාක්ෂණය ඔස්සේ බව එම සමගම සඳහන් කරනවා.

ලංකාදීප වෙබ් අඩවියේ ඒ සම්බන්ධයෙන් මෙලෙස සඳහන් කර තිබෙනවා.

විජය පුවත්පත් සමාගමෙන් පාඨකයන්ට

ද සන්ඩේ ටයිම්ස්’ පුවත්පත ජාත්‍යන්තර ප්‍රමිති අනුගමනය කරමින් මුද්‍රණය කෙරේ.

අප සහෝදර පුවත්පත වන ‘ද සන්ඩේ ටයිම්ස්’ පුවත්පතේ කර්තෘමණ්ඩලයේ පාර්ලිමේන්තු වාර්තාකරුට නිවසේ සිටියදී ‘කොවිඩ්-19’ වයිරසය ආසාදනය වී ඇතැයි පාඨකයන්ට මෙයින් දැනුම් දෙමු.

පූර්ව ආරක්ෂිත පියවරක් ලෙස කාර්යාල සංකීර්ණය වසා දමා විෂබීජහරණය කිරීමට විජය පුවත්පත් සමාගමේ කළමනාකාරීත්වය පියවර ගත්තේ ය.

‘ද සන්ඩේ ටයිම්ස්’ පුවත්පතේ බොහෝදෙනා පසුගිය මාසයේ සිට සිය නිවෙස්වල සිටිමින් රාජකාරීවල නිරත වන අතර, සීමිත දින ගණනකදී කාර්යාලයේ සිට සේවය කරන සියලු දෙනා ද අත්සේදීම, විෂබීජහරණය යනාදියට අමතරව මුඛ ආවරණ පැලඳීම සහ කායික දුරස්ථභාවය පිළිපැදීම යන දැඩි සෞඛ්‍යාරක්ෂිත ක්‍රියාමාර්ග අනුගමනය කරති.

අපගේ මුද්‍රාණාලය සහ බෙදාහැරීමේ මධ්‍යස්ථානය පිහිටා ඇත්තේ හෝකන්දර වන අතර, එම කාර්යාලය කොළඹ කර්තෘමණ්ඩල හා සම්බන්ධ වන්නේ අන්තර්ජාල තාක්ෂණය ඔස්සේ ය.

පුවත්පත් මුද්‍රණ කටයුතු සහ බෙදාහැරීම සිදුවන්නේ ලොව පිළිගත් සහ කීර්තිමත් පුවත්පත් මුද්‍රණය කෙරෙන ජාත්‍යන්තර ආරක්ෂිත තත්ත්ව හා පිළිවෙත්වලට අනුව බව අපි මෙයින් තහවුරු කරමු. වසංගතය හා දේශපාලනය සම්බන්ධ නවතම තොරතුරු, විශේෂාංග, ක්‍රීඩා හා ව්‍යාපාරික පුවත් අපගේ පුවත්පත් හරහා ඔබ වෙත ගෙන ඒමට අපි කැපවී සිටිමු.’

Leave a Reply

Your email address will not be published.

Back to top button