ඉන්දියාවේ තමිල්නාඩු ප්‍රාන්තය තුළ පණවා තිබූ නිරෝධායන සීමා ලබන සැප්තැම්බර් 30 වනදා දක්වා දීර්ඝ කර තිබේ.
කෙසේවෙතත් හෙට සිට ප්‍රවාහන සේවා කිහිපයක් ආරම්භ කෙරෙන බවයි ඉන්දීය වාර්තාවල දැක්වෙන්නේ.
ඒ අනුව තමිල්නාඩුව සහ අනෙකුත් ප්‍රාන්ත අතර බස් රථ ධාවනය හෙට සිටද මෙට්‍රෝ සේවා ලබන 07 වනදා සිටද යළි ආරම්භ කිරීමට නියමිතයි.
ඊට අමතරව හෝටල් / ලැගුම්හල් / මහා පරිමාණ වෙළඳ සංකීර්ණ සහ ආගමික ස්ථානද හෙට සිට විවෘත කිරීමට කටයුතු යොදා ඇත.
බැංකු ඇතුලු රාජ්‍ය ආයතන වල මෙතෙක් අවසර දී තිබූ 50%ක සේවක ප්‍රතිශතය හෙට සිට 100%ක් දක්වා ඉහළ දැමීමටයි තමිල්නාඩු ප්‍රාන්ත රජය උපදෙස් දී ඇත්තේ.
